Një tjeter fitore per Chelsea qe vazhdon marshimin drejt titullit kampion te këtij sezoni ne Premier League. Ne Stamford Bridge ne sfidën e vlefshme per javën e 34, blutë e Londrës fituan me rezultatin 4-2, duke e çuar ne 7 pike diferencën me Totenhem te vendit te dyte, qe ne fakt ka edhe nje ndeshje me shume per te zhvilluar. Skuadra e Kontes e nisi mjaft mire takimin dhe qe ne minutën e 5 gjeti avantazhin me protagonist Eden Hazard. Por ne minutën e 24 miqtë barazuan me nje ish Oriol Romeu, i cili çoi ne rrjete topin e dhuruar nga Gabiadini. Gjithsesi përballe nje skuadre te etur per nje tjetër fitore ishte vetëm çështje kohe barazimi dhe ne minutën e pare te shtesës, te zotet e shtëpisë kaluan përsëri ne avantazh ketë here me Gary Cahill. Me fillimin e pjesës se dyte, Diego Costa pas nje pasimi te Fabregas solli golin e qetësisë per londinezet. Ishte përsëri sulmuesi spanjoll qe ne minutën e 89 te takimit shënoi golin e katërt dhe te 19-in per ketë sezon me fanellën e Chelseit. Ne minutën e 4 te shtesës nje tjetër ish Bertrand vulosi rezultatin përfundimtar 4-2, nje sukses qe e afron skuadrën e Antonio Kontes me titullin kampion, kur kane mbetur edhe 5 jave nga përfundimi i kampionatit.
Humbja e pare per Atletikon e Madridit pas 12 rezultateve pozitive mes kampionatit dhe Champions League. Ne javën e 34 te La Liga, Los Colchoneros u munden 0-1 nga Vijareal, duke ndjere kërcënimin e vendit te trete tashme nga andaluzet e Seviljes. Një pjese e pare mjaft e mire per madrilenet te cilët krijuan mjaft raste me Correa Saul e Gaitan, por pa arritur te gjenin rrjetën. Edhe me fillimin e pjesës se dyte, vendasit ne sulm per avantazhin, por pa arritur te mposhtin portierin kundërshtar Fernandez mjaft deciziv ne ketë ndeshje. Ne përpjekje per zhbllokuar shifrat skuadra e Diego Simeones la shume hapësira ne prapavije, duke u shfrytëzuar mjaft mire nga e ashtuquajtura nëndetësja e verdhe dhe ne nje nga këto raste ne nje kundërsulm pas nje gabimi te Filipe Luis, ishte Bakambu qe dhuroi nje top per Roberto Soriano me ketë te fundit qe kaloi ne avantazh Vijareal. Per madrilenet humbja e trete ne shtëpi pas atyre me Barcelonën dhe Real, ndërkohe per Vijareal rriten shpresat per te qene ne 4 skuadrat e para ne renditje, çka përkthehet ndryshe pjesëmarrje ne Champions League sezonin e ardhshëm.
