Bisedimet në Gjenevë për Ukrainën janë mbyllur. Sekretari i Shtetit i SHBA-së, Marco Rubio, ka thënë se nesër, delegatët në Gjenevë do të vazhdojnë të punojnë drejt një plani paqeje.
“Procesi për të negociuar atë plan ka qenë në vazhdim gjatë tre javëve të fundit, por është përshpejtuar ndjeshëm në 96 orët e fundit”, tha ai.
Sekretari i Shtetit i SHBA-së, Marco Rubio, tha se ishte “shumë optimist” pas një dite diskutimesh me zyrtarë ukrainas dhe evropianë në Gjenevë mbi një propozim për t’i dhënë fund luftës në Ukrainë.
“Mendoj se kemi bërë përparim të jashtëzakonshëm. Ne kemi bërë vërtet përparim, kështu që jam shumë optimist se do të arrijmë atje në një afat kohor të arsyeshëm, shumë shpejt”, tha ai.
