Pasojat e pandemisë së koronavirusit në Shqipëri do të reflektojnë ndjeshëm në ekonominë e vendit.
Banka Europiane për Rindërtim dhe Zhvillim parashikon që vendi ynë të pësojë tkurrjen më të madhe ekonomike, me nje zbritje prej 9 përqind të Prodhimit të Brendshëm Bruto, më e thella në rajon dhe në gjithë vendet në zhvillim të cilat janë pjesë e BERZH.
Sipas raportit të publikuar këtë të mërkurë, “Perspektiva Ekonomike Rajonale në rajonet e BERZH”, ekonomia shqiptare do të preket ndjeshëm nga epidemia si pasojë e varësisë së saj së lartë nga turizmi dhe fasoneria.
Një reduktim i pritshëm i dërgesave nga emigrantët do të ndikojë gjithashtu në rënie.
Raporti thekson se “rimëkëmbja do të varet nga lehtësimi gradual i masave në vend për ndalimin e përhapjes së virusit dhe kthimi në normalitet në gjysmën e dytë të vitit”.
Pas kwsaj faze, BERZH paraashikon se ekonomia e vendit mund ët rimëkëmbet duke u rritur me 12 përqind vitin e ardhshëm.
Ndërsa nga vendet e rajonit, pas Shqipërisë, tkurrjen më të lartë në ekonomi do ta ketë Mali i Zi, me një zbritje deri në 8%, e ndjekur nga Kosova me 5%,, Bosnje-Hercegovina me 4.5.
Vendet e rajonit që do t’i kalojnë më lehtë pasojat e koronavirusit në ekonomi janë Maqedonia e Veriut dhe Serbia.
