Bashkimi Evropian ka përshëndetur gatishmërinë e Kosovës për të zbatuar marrëveshjet e dakordësuara në drejtim të reduktimit të trupave në komunat me shumicë serbe por gjithashtu nuk ka kursyer sërish notat e kritikës.
Zëdhënësi Piter Stano ka nënvizuar se kthimi në dialog është i domosdoshëm.
PETER STANO
ZEDHENES, KOMISIONI EVROPIAN
“Çfarëdo që bëhet në linja të dialogut nuk është për ti bërë qejfin Brukselit apo shteteve anëtare dhe partnerëve ndërkombëtarë por është në interesin e përmirësimit të jetës për njerëzit si në Kosovë ashtu edhe në Serbi. Ka një sens të emergjencës padyshim, që të përmbushen detyrimet që janë bërë të ditura në vazhdimësi.”
Gjithashtu Brukseli zyrtar thekson se zgjedhjet e parakohshme duhet të MBAHEN sa më parë të jetë e mundur.
“Janë hapa domethënës në drejtimin e duhur por ka akoma shumë për të bërë. Zgjedhjet e parakohëshme duhet të ndërmerren sa më parë të jetë e mundur dhe rikthimi në tryezën e dialogut është emergjent.”
Sikurëse ka rënë dakord me BE-në me marrëveshjen e Bratisllavës, Kosova ka larguar thuajse gjysmën e forcave të policisë nga institucionet komunale në katër komunat me shumicë serbe në veri të vendit.
