“BE ka akorduar fond prej 6 miliardë euro”, Varhelyi: Përfitojnë vendet negociatore, hapat që ndiqen

Komisioneri i Bashkimit Europian, Oliver Varhelyi theksoi se BE ka akorduar një fond prej 6 miliardë euro për të gjitha vendet negociues për t’u bërë pjesë e aleancës.

Ai theksoi se vendet në këtë proces do duhet të ndjekin një program të mirëhartuar që përcakton se si paratë e marra do të shpenzohen në mënyrë efektive drejt këtij qëllimi.

Lexo edhe :

"Kemi një plan ambicioz", Rama: Synimi ynë të përmbyllim procesin e integrimit brenda dekadës

Rama nuk ndal batutat dhe as kritikat: Pas çiftëzimeve me detyrim, Shqipëria po martohet me atë që do, Bullgaria gaboi me RMV

Çelen negociatat për grup kapitullin e parë, Varhely: Shqipëria meriton anëtarësimin! Rama: Hapja e kapitujve, historike!

Çelja e grup-kapitujve, Varhelyi: Takimi me Ramën, korrupsioni dhe krim i organizuar ishin elementët kyç të këtij rrugëtimi

“Plani i rritjes u miratua këtë vit dhe ka dy pika. Së pari, ofron investime shtesë, në të gjitha fushat ku duhen investime të konsiderueshme për të zbatuar reformat e kërkuara për t’u bërë anëtare e BE. Janë 6 miliardë euro fonde për këtë plan, por që të funksionojë duhet që vendet kandidate të marrin, pra një agjendë reformash nga të gjitha vendet, që tregon planin se çfarë do të bëjnë. Në thelb, deri në fund të 2027, ky është një program që do të reralizojë të njëjtin efekt si një program në një cikël normal, por gjysma e një kuadri shumë-vjetor financiar, flasim për tre vite e gjysmë”, theksoi ai.

Po ashtu, komisioneri i BE theksoi se fondet pritet të shpërndahen gjatë këtij muaji.

Nga ana tjetër, Rama theksoi se ana financiare nuk është përfitimi i vetëm apo më i rëndësishëm që Shqipëria kërkon nga BE./vizionplus.tv