Duke kujtuar 30-vjetorin e eksodit të madh të shqiptarëve drejt Italisë, kreu i Partisë Demokratike, Lulzim Basha theksoi se sërish shqiptarët po ikin masivisht nga keqqeverisja që sipas tij po mban vendin larg Europës.
Kryedemokrati nënvizoi se PD do t’i japë çdo familjeje shqiptare shpresë dhe mundësi për një jetë më të mirë, një Shqipëri si gjithë Europa.
“30 vite më parë eksodi biblik i shqiptarëve drejt Italisë, shembi njëherë e përgjithmonë murin ndarës mes Shqipërisë dhe Europës. 30 vite më pas, sërish shqiptarët po ikin masivisht nga keqqeverisja që na mban larg Europës dhe nga pamundësia për të ndërtuar jetën në vendin e tyre. Ne do ta shërojmë këtë plagë dhe, siç u mundësuam shqiptarëve të lëvizin pa viza, do t’i japim çdo familjeje shqiptare shpresë dhe mundësi për një jetë më të mirë, një Shqipëri si gjithë Europa.”
