Ish-kryeministri Sali Berisha ka akuzuar sot kryetarin e PD Lulzim Basha se ka “plaçkitur” kartat e anëtarësisë së demokratëve, me qëllim që të mos i lejojë të votojnë në referendumin për shkarkimin e tij.
Sipas Berishës, Basha ka informuar anëtarësinë që të paraqiten me karta ndërsa ua ka mbledhur duke mos ua kthyer.
“Basha ka bërë një krim elektoral. Ka informuar anëtarësinë që të paraqiten me karta. Ua ka mbledhur kartat dhe nuk ua ka kthyer kartat e anëtarësisë. Është akt që ngjitet në nivelin e krimit elektoral. Por garantoj se ata të gjithë do votojnë. Nuk ka ndodhur kurrë që të plaçkiten kartat e anëtarësisë. Por, mesa duket e ndiente që “gjykatësi” do ta kërkonte për ato që ka bërë.-tha Berisha.
