Sekretari i Përgjithshëm i PD, Gazment Bardhi akuzoi kryeministrin Edi Rama dhe kreun e grupit parlamentar të PS, Taulant Balla se prej fajin e tyre, Shqipëria ndodhet në udhëkryq.
Duke ju referuar një shkrimi të “Zërit të Amerikës” për Ballkanin Perëndimor dhe krimin e organizuar e paratë e pista, Bardhi tha se Elbasani sot njihet si qendër për kalimin e heroinës. Sipas tij, opozita është e angazhuar për ta luftuar diçka të tillë dhe për ta bërë vendin më të mirë.
“Me Taulant Ballën me vota të blera nga krimi i organizuar dhe me Edi Ramën në krye, për fat të keq Elbasani dhe Shqipëria ngelen në udhëkryq. Elbasani, cilësohet si qendër kyçe e shkëmbimeve lindje-perendim të opiumit dhe heroinës, sipas raportit të Nismës Globale Kundër Krimit të Organizuar Ndërkombëtar. Beteja për zgjedhjet dhe demokracinë ia vlen. Lufta ndaj krimit dhe politikanëve të lidhur me krimin ia vlen. Beteja bëhet për qytetarët dhe për vendin.”
