Kandidati për deputet i PD në Shkodër, Bardh Spahia premtoi se pas 25 prillit, gjërat do të përmirësohen për bizneset.
Gjatë një takimi me bizneset turistike në Velipojë, Spahia deklaroi se qeveria e PD do ta trajtojë biznesin si partner dhe jo si armik.
“Braktisja e Velipojës do të marrë fund me 25 Prill, ndërkohë që është koha që biznesi të marrë frymë lirisht. Me progamin e Partisë Demokratike, zhvillimi ekonomik është prioriteti kryesor, sepse nuk mund të pasurohen vetëm një grusht i vogël njerëzisht në kurriz të dhjetëra bizneseve të cilat sot rrezikojnë falimentimin.”
Kurse operatorët turistikë u ankuan se në nisje të sezonit turistik, qeveria u ka prishur biznesin sepse mungojnë infrastruktura dhe investimet.