Java e 15-të e Serie A, është përmbyllur me një ndeshje vërtet të “çmendur” në “Olimipico mes Lazio-s dhe Udinese-s. 8 gola, tre kartona të kuq, polemika, janë elementët e një barazimi dramatik 4-4 mes të dyja skuadrave.
Pjesa e parë u mbyll në favor të miqve me rezultatin 1-3. Ndërkohë skuadra e Sarrit u fut me një “fytyrë” tjetër në fushë në të dytën, pasi përmbysi gjithçka dhe në momentin kur mendohej se kryeqytetasit siguruan tre pikët, festa u prish nga Arslan në minutën e 9-të shtesës. Në këtë mënyrë Lazio vijon krizën e rezultateve dhe e sheh veten në vendin e 9-të të klasifikimit me 22 pikë. Në këtë takim, mbrojtësi i kombëtares sonë Elseid Hysaj luajti gjatë gjithë sfidës.
Ndërkohë edhe takimi që u luajt më herët mes Torinos dhe Empolit, përfundoi në barazim 2-2. Sfidat u transmetuan ekskluzivisht në platformën Tring.
