Sekretari i Përgjithshëm i PS, Taulant Balla akuzoi opozitën se ajo fshihet pas protestave të dhunshme për Klodian Rashën. Balla tha në rrjetet sociale se Lulzim Basha dhe Sali Berisha po tentojnë që të ndezin vatra dhune edhe në qytete të tjera, përveç Tiranës.

 

“Lulëzim Basha nën frymëzimin e Sali Berishës po udhëzon partinë e tij në çdo bashki se si ta përdorin vdekjen tragjike të 25-vjeçarit, për një karshillëk të ri dhune. Dhuna e djeshme në disa qytete është organizim ekskluziv i Lulezim Bashës, të cilët bëjnë sikur solidarizohen me protestën e Stresit në Tiranë. Lulëzim Basha po tenton të ndezë vatra dhune duke sulmuar bashki apo objekte të tjera sikurse ndodhi në Korçë, pas Tiranës. Përdhosja e simboleve të Krishtlindjeve është një porosi e turpshme Lulezim Bashës dhe e atit të tij politik Sali Berisha.”

 

Protestat për vrasjen e Klodian Rashës u shoqëruan me akte dhune, përplasje me policinë si edhe shkatërrime të objekteve të qytetit.

Leave a Reply

Your email address will not be published.