Pas deklaratës së Bashës se prokuroria i ka nisur hetimet për lobiemt e PD pas kërkesës së kësaj të fundit, ka reaguar Sekretari i Përgjithshëm I PS, Taulant Balla.
Në një reagim në “Facebook”, Balla e akuzon Bashën si mashtrues pasi, sipas tij, hetimi nuk ka ardhur prej kërkesës së këtyre të fundit.
Duke u rikthyer pas në kohë, Balla i kujton kreut demokrat denoncimin e bërë prej tij si dhe atë të FBI e Departamentit Amerikan të Drejtësisë.
“Ju që i shkoni pas një njeriu si ky, i vetmi që gënjen edhe tek pragu i derës së Prokurorisë, si mund t’ia lejoni vetes t’ju tërheqë për hunde një matrioshkë si Lulzim Basha! Me lehtësinë e genjeshtarit profesionist ai thotë që hetimi për financimet e PD ka nisur me kërkesë të PD një vit e gjysëm më parë!!! Po ai kallzimi im ndaj tij për këtë çështje pse u bë? Po FBI dhe Departmentit Amerikan të Drejtësisë, ky i’a ka kerkuar hetimin për veten? Po autoriteteve skoceze mos ua ka kërkuar Lulzimi të kryejnë hetimet për gati 1 milionë dollarë të padeklaruara, që i dolën në Amerikë si para ruse? O ju njerez që ju sjellë verdallë Lulzimi, thirrini mendjes e mos u beni kukulla të kësaj matrioshke gënjeshtare!”
Kreu demokrat dëshmoi këtë të hënë në prokurori për gati më shumë se një orë në lidhje me çështjen e lobimeve të PD në SHBA.
Basha u paraqit në prokurori pas ardhjes së dy letërporosive nga SHBA e Britania.
