Ministri i jashtëm grek Nikos Kotzias pritet të japë sqarime nesër në parlament, lidhur me marrëveshjen e detit me Shqipërinë.
Kryediplomati Kotzias do t’i përgjigjet pyetjeve të deputetes së Partisë Demokracia e Re, Dora Bakojani, mbi bisedimet e deritanishme me Shqipërinë. Ajo kërkon te dije nga Kotzias se pse po rishikohet marrëveshja e vitit 2009, cilat pjesë të saj po planifikohen të ndryshohen dhe si qëndron e vërteta e ndryshimit te pozicionit te vendosur grek në kufirin e zonave detare në bazë të “vijës së mesme”.
Dy ditë më parë Dora Bakojani deklaroi se çdo marrëveshje mes Shqipërisë dhe Greqisë duhet të kalojë nga parlamenti grek.
