Anomalitë në transportin ajror

Sikur te mos mjaftojnë kostot e larta qe paguajnë shqiptaret për te fluturuar, shërbimi qe ofrojnë kompanitë ajrore, le shume per te dëshiruar. Kohet e fundit, pasagjeret shqiptare kane pritur me ore te tera për te udhëtuar, ndërsa disa kompani, nuk kane respektuar oraret e përcaktuara. Per eksperte te fushës, këto jane dëshmi e mungesës se seriozitetit te kompanive qe operojnë ne tregun tone, ndërsa organet shtetërore janë te mefshta ne reagim. Nga ana tjetër, ligjet kane boshllëqe çka bëjnë qe tregu te mos ketë rregulla te qarta. Një nga problemet qe vërehet është edhe mos reklamimi i çmimit final te biletës, por evidentohet ai i zhveshur nga taksat dhe komisionet. Por edhe pse ka vende me treg edhe me te vogël se Shqipëria, serish ne Mal te Zi, Maqedoni, apo edhe ne Korfuz, ka me shume konkurrence se ne aeroportin “Nene Tereza”. Edhe pse ka patur tentativa për te liberalizuar tregun e fluturimeve ajrore nga qeveria, serish shqiptaret paguajnë kosto te larta për këtë shërbim, krahasuar me çdo vend tjetër.