Ambasadori i BE në Shqipëri Luigi Soreca nga Fieri, ka komentuar gjarjen e Bularatit si dhe për emërimin e ministrit të ri të Brendshëm Sandër Lleshi duke zëvendësuar Fatmir Xhafajn.
Në fjalën e tij ambasadori Soreca ka thënë se Shqipëria duhet të mbrojë komunitetet minoritare dhe të gjendet një marrëveshje mes dy vendeve për zgjedhjen e çështjeve të mbetura pezull duke përfshirë edhe çështjen e detit.
“Marrëdhënia mes Shqipërisë dhe Greqisë është një çështje dypalëshe. Është e rëndësishme për ne si BE që Greqia dhe Shqipëria të gjejnë një marrëveshje për rrugëtimin e Shqipërisë drejt BE. Është e rëndësishme që komunitetet në Shqipëri, pakicat në çdo pjesë të vendit të mbrohen.Ministria e Brendshme ka ndërmarrë operacione të rëndësishme. Vlerësimi ynë për ministrin e ri është i qartë. Ministri i ardhshëm të vijojë luftën kundër krimit”.
