Albërije Hadërgjonaj nuk e fsheh në asnjë intervistë faktin se ka kryer disa ndërhyrje estetike, pasi nuk ishte e lumtur me pamjen e saj.
Mirepo, këngëtarja shqiptare ka shfaqur pendesë për ndërhyrjet estetike në hundë.
Sipas Albërijes, është shumë e rëndësishme përzgjedhja e doktorit që do t’i besosh ndryshimin, ndaj këshillon të gjitha vajzat të bëjnë kujdes.Në rastin e këngëtares është dashur ndërhyrja e doktorit amerikan, pasi ajo nuk ishte e lumtur me rezultatin e operacionit në Shqipëri.
“Njeriu duhet të ketë shumë kujdes kur vendos të ndryshojë fytyrën, Zoti nuk na i ka falur kot tiparet kur lindim. Unë e kam operuar hundën kur isha në Shqipëri dhe jam penduar sepse po të kisha hundën time do tregoja karakter. Tani e kam sistemuar pak në Amerikë, por ja që e bëra. Unë ndërhyrjet i kam bërë se më pëlqejnë, por vajzat duhet të kenë kujdes kur zgjedhin vendin apo kirurgun ku do të shkojnë”- u shpreh Albërije Hadërgjonaj, e cila prej disa vitesh është zhvendosur në Amerikë.
