Nënkryetari i grupit parlamentar të PD, Belind Këlliçi i ftuar në QUO VADIS të moderatores, Pranvera Borakaj në Vizion Plus, ka komentuar zgjedhjet e fundit në mbledhjen e grupit parlamentar demokrat ku u caktua kryetari i grupit dhe nënkryetari i Kuvendit.
I pyetur nga moderatorja Borakaj se a është i lumtur që do të jetë si zëvendësues i Gazment Bardhit në grupin parlamentar, Këlliçi tha se nuk kishte pritshmëri dhe as emocion, por do të punojë fort për të justifikuar pozicionin.
Pjesë nga biseda:
Borakaj: A je i lumtur si zëvendës i Gazment Bardhit?
Këlliçi: Nuk kisha asnjë lloj pritshmërie, nuk kam asnjë lloj emocioni. Do të bëj maksimumin tim për të justifikuar votbesimin e deputetëve.
Borakaj: Si tu duk qendrimi i Bujar Leskajt, dhe a kishte të tjerë?
Këlliçi: Edhe në debatet më të nxehta, jamë munduar të jem i kujdeshshëm për komentimin e kolegëve. Te kolegët nuk dua të thyej rregullin. Çdo koleg ka mendimin e vet, ka qendrimin personal, ka votën në fund të ditës. Mund të kemi qendrime të ndryshme, por e bukura e PD kjo është.
Borakaj: Do të të pëlqente të ishe ti kryetar grupi?
Këlliçi: Nuk kam punuar për atë ambicie.
Bregu: Nuk është vetëm qeveria që nuk bëri ndryshime, por dhe PD mbeti në stanacion.
Këlliçi: Statuti i PD parashikon që një nga nënkryetarët zgjidhet kryetar i grupit parlamentar dhe një tjetër nënkryetar i Kuvendit. PD ka katër nënkryetarë dhe dy prej tyre duhet të ishin në këto pozicione.
Borakaj: kishte një garë mes këtyre katër emrave?
Këlliçi: Nuk ka patur garë, ka aptur një dakordësi dhe këtu nuk ka problem.
