Lamine Yamal dhe familja e tij i kanë dhënë fund kohës së tyre në lagjen Rocafonda. Tani e tutje, ata do të fillojnë një jetë të re në Sant Joan Despí, pranë qytetit sportiv Joan Gamper, ku lojtari kalon pjesën më të madhe të kohës. Në fakt, futbollisti 17-vjeçar jeton vetëm që prej kësaj vere, në një apartament shumë pranë ambjenteve stërvitore të FC Barcelona.
Edhe pse çdo gjë po shkon shkëlqyeshëm për futbollistin në fushë, ai së fundmi ka kaluar një periudhë të vështirë. Më 14 gusht, babai i tij, Mounir Nasraoui, u godit me thikë në lagjen ku ata jetonin. Mounir ishte përleshur me disa persona dhe disa orë më vonë ndodhi ngjarja fatkeqe që e shtyu të kalonte disa ditë në spital, pasi kishte marrë dy plagë me thikë në stomak dhe një në krah.
Lexo edhe :
Related Posts
Muajt e fundit kanë qenë shumë të mira për Lamine në nivel sportiv. Ai kaloi nga një lojtar i të rinjve të La Masia në lojtarin më të mirë në sulmin e ekipit culé, duke e bërë atë një lojtar thelbësor në ekipin e Hansi Flick dhe në kombëtaren spanjolle, me të cilën fitoi Euro 2024 në korrik.
Performanca e tij e mirë i dha atij nominimin e parë për Topin e Artë , ku do të garojë për çmimin kryesor, si dhe për Trofeun Kopa që shpërblen futbollistin më të mirë nën 21 vjeç./vizionplus.tv
