SPAK dhe Policia e Shtetit kanë ndërmarrë sot një operacion të gjerë për ekzekutimin e masave të sigurimit ndaj disa personave të dyshuar për përfshirje në trafikimin e lëndëve narkotike dhe pastrimin e parave në vlera të konsiderueshme.
Sipas informacioneve paraprake, personat e proceduar dyshohen se kanë vepruar në kuadër të një grupi të strukturuar kriminal. Aksioni po zhvillohet në disa zona dhe vijon ende.
Autoritetet nuk kanë dhënë detaje të tjera mbi numrin e personave të përfshirë apo rezultatet e deritanishme të operacionit, ndërsa kanë njoftuar se informacion më i plotë do të bëhet publik pas përfundimit të aksionit.
