Me urdhër të SPAK, bashkë me ish-kreun e ARRSH, Evis Berberi janë vënë në pranga edhe dy biznesmenë. Mësohet se është arrestuar biznesmeni Valter Begaj dhe Ervis Lame.
SPAK ka nisur rreth dy javë më parë hetim ndaj Berberit, për çështjen e shitjes së një kompanie në vitin 2018. Dyshohet se bëhet fjalë për një transferim fiktiv të kompanisë me qëllim që Evis Berberi të shmangte konfliktin e interesit, pak para se të emërohej si këshilltar në Ministrinë e Infrastrukturës dhe Energjisë.
Lexo edhe :
Related Posts
Vizion Plus mëson se Ervis Lame është administrator i kompanisë DAAM, kompani supervizimi punimesh, ndërsa aktualisht kompania është në pronësi të Valter Begajt.
Shitja e kompanisë është bërë më 29 mars 2022.
“1. Ervis Lami eshte ortak me 100% te kuotave te kapitalit themeltar te Shoqeme “DAAM” shpk. Ne baze te vendimit te Asamblese se Ortakut te,vetem te Shoqerise “DAAM” shpk, ajo ka vendosur te behet shitja e 100% te kuotave qe Ervis Lami zoteron te Shoqerise “DAAM” shpk, tek bleresi Valter Begaj.
2.Bleresi behet ortak i shoqerise me nga 100% te kuotave.
Objekti i kesaj kontrate eshte shitja e kuotave te individualizuara nga shitesi tek bleresi kundrejt cmimit te percaktuar ne neni 2 te kesaj kontrate.
Shitesi Ervis Lami deklaron se i shet bleresit Valter Begaj, (pronar i mëparshëm i subjektit) 100% te ketyre kuotave, kundrejt vlerës 0 lekë, pasi shitësi tërhiqet nga pronësia dhe të dy palët nuk kane asnje pretendim ndaj njeri-tjetrit”, thuhet në kontartën e shitjes.
Me urdhër të SPAK, Evis Berberi u arrestua mbrëmjen e djeshme. Ai akuzohet për korrupsion dhepastrim parash.
Sakaq, gjatë kontrollit në shtëpinë e tij janë gjetur shuma të mëdha parash dhe piktura me vlerë. Berberi pretendon se i ka krijuar vetë pikturat dhe nuk i ka blerë. Disa ditë para arrestimit ai ka dhënë dorëhqejen, por nuk ka një reagim zyrtar./vizionplus.tv
Berberi u emërua në krye të ARRSH në qershor të vitit 2021./vizionplus/tv
