Të gjithë qytetarët që janë shpallur fitues në fazën e parë të programit të kredive të buta mund të vijojnë tashmë me fazën e dytë të procesit. Ata duhet të plotësojnë në mënyrë elektronike formularin e strehimit në portalin e-Albania dhe ta shoqërojnë atë me dokumentacionin përkatës.
“Ky ka qenë një numër rekord aplikimesh pasi në fazën e parë kanë qenë 4906 aplikime ku kanë fituar diku tek 2400 veta për të vazhduar në fazën e dytë. Kemi pasur edhe ankimimet e skualifikimeve të fazës së parë ku nga 500 ankimime që janë bërë janë përzgjedhur rreth 235 veta të cilët janë bashkuar numrit që sapo përmenda për të vazhduar në fazën e dytë”, thotë Dritan Dango, drejtor i përgjithshëm i Mbrojtjes Civile dhe Kujdesit ndaj Qytetarit.
Dokumentat e kërkuara dorëzohen deri në datën 31 korrik pranë sektorit të Informimit dhe Shërbimeve Publike në Bashkinë e Tiranës. Lista e përfituesve është e afishuar pranë njësive administrative ku qytetarët mund të verifikojnë emrat e tyre. Gjithashtu, qytetarët që kanë vështirësi në aksesin në shërbimet elektronike mund të drejtohen pranë njësive administrative për asistencë në aplikim.
“Me mbarimin e fazës së dytë nis faza e tretë që është përzgjedhja e fituesve i cili këtë vit është rritur dhe ka vajtur në 1000 fitues. Nga 2500 veta do përzgjidhen 1000 për fazën e tretë”, thotë Dango.
Lista për fazën e dytë përmban dokumentet dhe vërtetimet e kërkuara që duhet të dorëzojnë aplikantët në kuadër të programit.
“Janë një sërë dokumentash që do duhet të plotësojnë, që nga vërtetimi që nuk kanë pronësi, që nga deklarimi i të ardhurave që ata kanë, që nga certifikata familjare, pra varet nga individi që ka fituar.”pasi munds të jenë familjar cifti I ri maam e divorcuar, varet nga individi që do aplikoj.” Nëse kanë kaluar fazën e parë kanë kaluar pjesën më të rëndësishme e cila është që vërteton që ata nuk një pronë të tyre dhe limitn e pagës. Në fazën e dytë do bëhet përzgjedhja e kritereve, që do të thotë se në rast do aplikojnë të 2500 vetat, atje do bëhet përzgjedhja se kush përfiton më shumë”, sqaron Dango.
Në total janë 1500 kuota të cilat përfshijnë edhe përfituesit që mund të pranohen nga ankimimet në rast skualifikimi në fazën e dytë.
