Në një lagje ku banojnë dhjetëra familje në fshatin Polis në Librazhd, ende pa u përfunduar ndërtimi i një segmenti të një linje të shpërndarjes së energjisë elektrike, persona të paidentifikuar e kanë shkatërruar atë.
Sipas banorëve, keqbërësit kanë sharruar dhe rrëzuar për tokë shumicën prej 17 shtyllave të linjës së re, vetëm një ditë para se e gjitha puna për këtë linjë të përfundonte.
Projekti kishte kohë që kërkohej nga banorët e zonës dhe do t’i jepte zgjidhje përfundimisht çështjes së tensionit, pasi deri tani familjet kanë vetëm ndriçim të zbehtë në banesa, ndërsa pajisjet elektroshtëpiake nuk punonin për shkak të tensionit shumë të ulët.
