Zëdhënësi i Presidencës, Tedi Blushi reagoi pas seancës parlamentare të kësaj të marte, ku u diskutua edhe për shkarkimin e presidentit Ilir Meta.
Duke injoruar këto diskutime, Blushi tha se vëmendja duhet të përqendrohet te hapja e kutive sepse sipas tij, kështu do të ndryshojë rezultati i zgjedhjeve.
“Zero vëmendje ndaj Parlamentit me Zero opozitë. Ndryshimi është brenda në kuti. Hapni kutitë! Numëroni dhe rinumëroni me transparencë çdo votë sipas Kodit Zgjedhor. Çdo shkelje dhe manipulim të evidentohet me qetësi deri në fund të procesit! Shqiptarëve nuk mund t’ju grabitet kurrsesi vota dhe vullneti i shprehur përmes saj. 🇦🇱”
Kjo e disata herë që nga ana e Presidencës drejtohet kjo thirrje, për të rinumëruar votat. Më herët, kreu i shtetit Meta e ka quajtur shashkë procedurën e iniciuar nga PS për shkarkimin e tij.
