Sporti shqiptar ka humbur një tjetër emër të madh.
Ish basketbollisti dhe trajneri i njohur i këtij sporti në vendin tonë Arben Fagu është ndarë nga jeta në mënyrë të parakohshme ne moshen 65 vjec.
Profesori i Universitetit të Sporteve raporton Vizion Plus, Arben Fagu i ishte nënshtruar një ndërhyrje kirurgjikale në muajin dhjetor të vitit të kaluar, dhe tani nuk ia doli dot të fitojë betejen kundër sëmundjes.
Përvecse një basketbollist i mire ne nivel klubesh dhe i kombetares, Arben Fagu mbahet mend vecanërisht për rezultatet e shkelqyera në krye të ekipeve të basketbollit për meshkuj tek Dinamo dhe Partizani, aty ku edhe punonte aktualisht.
Beni është vëllai i legjendes se koshit shqiptar Agim Fagu ndersa babai i tyre Besim Fagu eshte themelues i klubit Partizani.
Miq e shokë kanë ngushëlluar familjen e Fagut përmes rrjeteve sociale.
Arben Fagu e filloi karrierën e tij sportive, në moshë fare të re në ekipin e klubit sportiv Partizani, ekip të cilit nuk iu nda asnjëherë, deri në vitet e fundit të karrierës së tij si trajner. Arben Fagu në ekipin e Partizanit numëron shumë tituj kampion dhe fitues i disa kupave të Shqipërisë. Ai ka kontributin e tij të padiskutueshëm si sportist në aktivitetet kombëtare dhe ato ndërkombëtare. Arben Fagu në karrierën e tij si trajner shenjon në CV-në e tij rekorde si trajner i ekipit të Partizanit, Dinamos, Studentit dhe Universitetit Amerikan të Tiranës . Së fundmi karriera e tij si trajner mbyllet me ekipin të cilit i ka kushtuar jetën. Arben Fagu trajner i ekipit kombëtar të të rinjve dhe meshkuj të rritur në periudha të ndryshme kohore. Si trajner dhe profesor do të pregatiste disa gjenerata lojtarësh, të cilët kanë qenë pjesë e ekipeve kombëtare ndër vite.
Profesor Beni, siç do ta thërrisnin të gjithë, ka qenë shembull i një pune të pakursyer në sport dhe në shoqëri.Pasionant dhe i disiplinuar, njohës mjaft i mirë i basketbollit modern dhe aplikues i tij me ekipin për të cilin punoi me shumë përkushtim gjatë gjithë jetës së tij. Arben Fagu do të mbahet mend edhe si një kritik mjaft aktiv për problematikën dhe zhvillimin e basketbollit në vend, shkruan federata e basketbollit ne nje reagim mbi ndarjen nga jeta te Arben Fagut.
