Sekretari i Përgjithshëm i Partisë Socialiste, Taulant Balla moderoi këtë të premte aktivitetin online të fushatës “Deputeti që Duam”.
Balla tha se sot është shënuar përmbyllja e Akademisë Politike të konceptuar për të trajnuar kandidatët e përzgjedhur nëpërmjet platformës “Deputeti që duam”.
Tre trajnerë dhe shtatë personalitete të huaj dhe shqiptarë mundësuan finalizimin me sukses të kësaj Akademie. Gjej rastin për të falenderuar sejcilin prej tyre për kontributin e vyer në këtë Akademi.Falë trajnerëve, pjesëmarrësit u aftësuan se si mund të përçojnë një mesazh politik, si mund të ndërtojnë një fushatë të suksesshme e mbi të gjitha si mund të ndërtojnë besimin në komunitetet e tyre.Mendoj se pohimi i tyre është thelbi përse ne si Partia Socialiste vendosëm të ngrinim platformën “Deputeti që duam” dhe të investoheshim për të përzgjedhur më të mirët në komunitetet tona nga çdo rajon, qytet apo fshat i Shqipërisë. Sepse ne nuk duam të kemi thjesht një fitore të subjektit politik, por kërkojmë një fitore e cila të ndihet si e tillë anembanë vendit.
Balla shtoi se platforma “Deputeti që duam’ është një përgjigje edhe pë ata që mendojnë se ka një rritje të të pakënaqurve nga sistemi apo nga cilësia e demokracisë në vend.
Pikërisht që askush të mos ndihet i/e papërfaqësuar, Platforma “deputeti që duam’ ishte përgjigja jonë dhe një ftesë për përfshirje të gjithkujt që dëshiron të kontribuojë për vendin e tij.PS dëshiron të jetë shtëpia e brezit të ri të politikanëve, me anë të të cilëve të fillojmë një epokë të re të Shqipërisë. Një epokë ku të rinjtë do të dëshirojnë të qëndrojnë në Shqipëri dhe të ndërtojnë të ardhmen e tyre këtu. Ky është qëllimi ynë të cilën e jetësuam me anë të platformës “Deputeti që duam”. Megjithatë ky rrugëtim nuk përfundon këtu pasi kjo platformë dhe ky angazhim do të vazhdojë deri sa të kemi mundësuar që çdo i ri apo e re e këtij vendi të na bashkohet për të punuar me pasion dhe dedikim për të ardhmen e ndritur të Shqipërisë.
Pas fazës trajnuese, në ditët në vijim pritet që PS të përzgjedhë të kualifikuarit e raundit të dytës të platformës “Deputeti që duam”, të cilët do të përfshihen në ekipin socialist të fushatës së 25 prillit.
