Disa prej futbollistëve që përbëjnë boshtin e ekipit të Skënderbeut qëndruan në Korçë, pavaresisht përjashtimit nga pjesmarja në Champions League apo betejës ende të pambyllur të klubit me UEFA-n. Lojtarë me përvojë dhe që kanë mbajtur peshë me kontributet e tyre në ekip si Kristi Vangjeli, Marko Radas dhe Gjergji Muzaka, shqetësuan deri diku opinionin sportdashës korçar për vazhdimësinë e tyre.
Por, më në fund mbajtën të veshur bluzën e klubit ku janë shpallur kampionë dhe aritën suksese historike.
Edhe ky qëndrim I tre futbollistëve në Korçë ka prapaskenat e veta. Burime të sigurta pranë klubit korçar, bëjnë me dije se vendimtar në qëndrimin e tre lojtarëve në Korçë ka qënë Presidenti Ardian Takaj.
Ai ka bërë lëvizjet e duhura në kohën e duhur pasi ka rritur pagesat në kontratat e këtyre tre futbollistëve.
Nuk saktësohet se çfarë përfitimi financiar më I lartë është vendosur për Vangjelin, Radas dhe Muzakën, vetëm se ata kanë rritje page nga sezoni I kaluar. Kjo sakrificë financiare e Presidentit Takaj ka ardhur pasi tre futbollistët kushin oferta për të kaluar te Flamurtari, duke ndjekur ish trainerin Ilir Daja.
E ndërsa përflitej se te Skënderbeu këtë sezon do të ndiqej politika e lidhjes së kontratave të ulëta financiarisht me lojtarët, kjo nuk ka ndodhur. Kushtet e kënaqëshme financiare mbajtën në Korçë tre prej shtyllave kryesore të ekipit.
