Fëmijët janë shpesh imituesit perfektë të sjelljeve të prindërve të tyre. Prindërit duhet të jenë të kujdesshëm në sjelljen dhe veprimet që bëjnë në prani të fëmijëve të tyre.
Fatkeqësisht çdo sjellje e keqe e prindërve pasqyrohet tek ata në të ardhmen. Çështja është se shembulli është vendimtar edhe kur është i keq dhe prindërit duhet të dinë që duke u dhënë fëmijëve vese kushtëzojnë gjithmonë shëndetin e tyre.
Sipas një studimi britanik rezulton se veprimet që kopjohen nga fëmijët janë;
Sjelljet
Varësia nga duhani dhe alkooli, jeta e ulur dhe ushqimi i keq: të gjitha bien në sfondin e asaj që ekspertët e quajnë “mënyra e jetesës” dhe kjo duket të jetë gjithnjë e më e rëndësishme në përcaktimin e shëndetit dhe në pritshmëritë e jetës përtej gjeneve që ndonjëherë duken se kanë vendosur fatin tonë, por ndërkohë nuk është kështu. Sjelljet e mësuara nga prindërit kanë një ndikim të madh në zgjedhjet tona të ardhshme.
Mosha e ndikimit
Prindërit u japin fëmijëve të tyre jo vetëm materiale gjenetike, por edhe stilin e tyre të jetesës. Përtej faktit se ekziston një shkencë e quajtur epigenetikë që konsiston në një model që shpjegon se si faktorët mjedisorë kanë një ndikim të thellë në sjelljen e gjeneve. Në thelb një fëmijë i lindur në një familje që ka një jetë jo shumë të mirë rrezikon të jetë para-programuar që të ketë probleme shëndetësore.
Gjithmonë në varësi se ku është lindur dhe, me sa duket, edhe nga mosha kur sjelljet shihen dhe pranohen. Për shembull, nëse një fëmijë i moshës 12 vjeç, moshë midis pubertetit dhe adoleshencës, sheh babain e tij duke pirë duhan, mundësitë për t’u bërë duhanpirës janë pothuajse dyfish. Në përgjithësi një nënë duhanpirëse ndikon shumë në zgjedhjet e ardhshme të vajzës së saj dhe shumë më pak tek zgjedhjet e djalit.
Gjithashtu duket se rreziqet për t’u bërë duhanpirës rriten nëse babai bën një punë manuale ose nëse ka jetuar në varfëri gjatë fëmijërisë.
