Pas takimit kokë më kokë me Xhafaj në zyrën e këtij të fundit në Ministrinë e Brendshme, ambasadori Donald Lu në një reagim për mediat foli në lidhje me akuzat e vazhdueshme të opozitës ndaj Fatmir Xhafajt të cilit i kërkon dorëheqje për shkak se sipas tyre ka mbrojtur vëllain e denuar për trafik droge
Lu është shprehur se ndjek me vëmendje akuzat kundër ministrit Xhafaj dhe vëllait të tij.
“Po i ndjek me vëmendje akuzat kundër ministrit Xhafaj. Faktet dhe provat, përfshirë edhe vërtetësinë dhe rrethanat rreth regjistrimit audio të raportuar, meritojnë të hetohen në mënyrë të pavarur. Por kjo nuk mund të jetë arsye për të ndërprerë punën e policisë dhe prokurorëve për të arrestuar drejtues të rrezikshëm të krimit të organizuar. Koha që Shqipëria të përfundojë punën që ka nisur, është tani”
