“12 javë, pra 3 muaj qëndresë do të inaugurohen dhe përmbyllen sot, sepse nesër kjo qëndresë do të inaugurojë Republikën e Re, nga ky shesh i bashkimit më të madh i shqiptarëve në historinë e tyre”.
Lulzim Basha e ka shfrytëzuar këtë komunikim me mbështetësit e tij, per t’i ftuar te marrin pjese ne protestën e se shtunës, duke shpjeguar njëherësh edhe vizionin e tij per “republikën e re”.
“Nesër bashkohen në këtë shesh 650 mijë pensionistë të cilët janë trajtuar si qytetar të dorës së dytë, me pensione që u rritën më pak se inflacioni, me fuqi blerëse të degraduar, me fatura energjie të shtrenjta, me bileta autobusi të shtrenjtuara, ilaçe të shtrenjtuara. Pensionistët shqiptarë bashkohen me Republikën e Re nesër në këtë shesh dhe Republika e Re brenda 4 viteve do të mundësojë që pensioni miminal të jetë jo më pak se 250 mijë lekë në muaj për çdo pensioniste dhe çdo pensionistë shqiptar”.
Ndersa pasditen e se premtes, Basha ka deklaruar nga çadra se protesta e shtunës do të shënojë krijimin e “republikës së re” dhe se pavarësisht protestës, çadra e opozitës nuk do të mbyllet.
“Çadra nuk do të mbyllet, por do të vazhdojë deri në arritjen e qëllimit të plotë, atë të republikës së re. Deri në fitoren totale të kauzës për zgjedhje të lira e të ndershme, që do të jenë të vetmet që do të mbahen në Shqipëri”, ka thënë Basha. Nesër e shtunë ora 12:00, opozita do të protestojë në Bulevardin Dëshmorët e Kombit para kryeministrisë në Tiranë. Kryetari i opozitës ftoi sot shqiptarët t’i bashkohen protestës që do të bëhet në të njëjtin vend që u zhvillua më 18 Shkurt në përmbyllje të javës së 12 të protestave në çadër, ndërsa në radhët e PD nisën dhe aludimet e para”.
Basha ka folur vetëm per protestën dhe ka shmangur çdo koment per deklaratën e komisionerit per zgjerimin Johannes Hahn
