Qeveria gjermane ka miratuar nje projektligj te ri për te frenuar komentet me baze urrejtjeje apo lajmet e rreme ne rrjetet sociale.
Kabineti i Angela Merkel ra dakord këtë te mërkure per gjoba deri ne 50 milionë euro ndaj rrjeteve sociale qe nuk marrin masa te heqin në mënyrë të shpejtë materialet ilegale, siç janë fjalimet me baza urrejtjeje fetare, racore, apo te çdo lloji, si edhe lajmet e rreme, shpifëse dhe denigruese.
Ministri gjerman i Drejtësisë, Heiko Maas tha se kompanitë që ofrojnë platforma “online” janë përgjegjëse për heqjen e komenteve të palejueshme. Projektligji ka nevoje per miratimin ne parlament per te hyre ne fuqi. Racizmi dhe urrejtja janë bere mbizotëruese në mediat sociale në Gjermani, sidomos pas mbërritjes së një numri tepër të madh refugjatësh në vitin 2015. Çdo përmbajtje që është “qartësisht kriminale” duhet të hiqet brenda 24 orësh, sipas kushteve të vendosura në projektligj.
Njerëzit që publikojnë përmbajtje ilegale duhet të informohen mbi fshirjen e tyre. Maas tha se ligji mund të aplikohet edhe ndaj artikujve të ashtuquajtur “fake news”, nëse rezulton që të jenë diskreditues apo shpifës. Projektligj prek kryesisht facebookun, twitterin dhe motorin e kërkimit, google.
