Dy gazetare turq te burgosur me akuzën e publikimit te sekreteve shtetërore kane fituar lirinë. Vendimin e mori Gjykata Kushtetuese e vendit, e cila argumentoi se ishte shkelur liria e shprehjes dhe e medias. Kryeredaktori i gazetës “Cumhuriyet’, Xhan Dundar dhe shefi i zyrës se Ankarasë, Erdem Gul, dolën nga qelitë pas tre muajve burgim. Turma te mëdha njerëzish priten me gëzim lirimin e tyre.
“Ky është nje gjyq per lirinë e medias. Ne u liruam, por me shume se 30 kolege tanët janë ende ne burg. Shpresoj se vendimi do t’i hape rrugën edhe lirimit te tyre. Do te vazhdoj te luftoj per lirinë e medias derisa ky kamp përqendrimi qe shihni pas meje te kthehet ne muze”.
Gazetaret përfunduan pas hekurave për shkak te raportimeve per kontrabande armesh te qeverise ne drejtim te islamisteve ne Siri. Ata u akuzuan edhe per përpjekje per përmbysjen e qeverise dhe se kishin ndihmuar nje organizate terroriste. Gazeta “Cumhyriet” kishte publikuar fotot te kamionëve turq qe dërgonin municione për rebelet siriane, akuze qe u mohua nga qeveria. Turqia është vene shpesh ne qendër te kritikave te ndërkombëtareve per presionin ndaj shtypit dhe ne indeksin e lirisë se medias te “Reporterëve pa kufij” u rendit ne vendin 149 mes 180 vendeve. Me shume se 30 gazetare janë aktualisht pas hekurave, shumica me origjine kurde. Por qeveria pretendon te jete mes vendeve me te lira ne bote.
