Milan fiton ndeshjen e parë gjysmëfinale të kupës së Italisë kundër modesteve të Alesandrias dhe shkon i qete ne ndeshjen e kthimit ne San Siro per te siguruar kualifikimin per ne finale. Kuqezinjtë ndonëse hodhën në fushën e lojës një formacion thuajse rezervash, arritën të dilnin të fituar 0 me 1 në transferte kundër skuadrës së kategorisë së trete. Në Olimpico të Torinos, rezultati u zhbllokua ne minute e 43 me anë të një 11-metershi të Balotelit, i cili kishte që nga muaji shtator i 2015 që nuk shënonte në një ndeshje zyrtare. Në pjesën ë dytë kuqezinjtë duhet të kishin dyfishuar rezultatin, por Honda dhe Niang nuk e dërguan topin në rrjete. Sot ndërkohe luhet akti i parë i ndeshjes tjetër gjysmëfinale mes Juventusit dhe Interit.
Në Angli, Liverpul siguroi kualifikimin për në finale e kupës së ligës pasi doli fitues në lotarinë e 11-metershave kundër Stok Sitit. Në fakt skuadra e Jurgen Klop u mund 0 me 1 në shtëpi në ndeshjen e kthimit të gjysmëfinaleve, por fakti që kishin fituar me të njëjtin rezultat takimin e parë në Britania Stadium, e çoi këtë përballje në shtesë dhe më tej tek penalltitë. Goli që frikësoi jo pak tifozët në Anfilld Roud u shënua nga Arnautovic, dukshëm në pozicion jashtë loje në fund të pjesës së parë. Liverpul nuk mundi të shmange dërgimin e ndeshjes tek 11-metershat, ku për Stok Sitin gabimet vendimtare i bënë Piter Krauc dhe Muniesa, ndërsa golin e suksesit për vendasit e shënoi Xho Allen. Liverpul siguroi finale e 12 te kupës së ligës në histori, ku do përballet në Wembley me fituesen e çiftit Manchester City vs Everton.
Ndërkohe ne France, Lile mposhti thelle 5 me 1 Bordon dhe siguroi për here te pare kualifikimin per ne finale e kupës se ligës. Mbrëmje e shkëlqyer për të besuarit e trajnerit Antoneti, të cilët nuk i dhanë asnjë shans skuadrës së Bordo në stadiumin “Pierr Mauroy”. Benzia në minutën e 7 kaloi Lilën në avantazh, barazoi përkohësisht Channtome në minutën e 33, por vetëm kaq pasi Somauoro, Bauthreac, Boufal dhe nje autogol i Sane i dhanë këtë sukses të merituar skuadrës së Lile, e cila në finale do ndeshet me fituesen e çiftit Psg vs Tuluz.
