Edhe dita e Premte do të vijojë nën ndikimin e kushteve të qëndrueshme atmosferike, me moti të kthjellët në pjesën më të madhe të territorit. Vranësirat do të shtohen herë pas here në zonat malore të lindjes, ku gjatë orëve të mesditës dhe pasdites priten reshje të dobëta dhe të herëpashershme shiu.
Era do të fryjë kryesisht nga verilindja në veriperëndim, me shpejtësi mesatare rreth 4 m/s. Përgjatë vijës bregdetare dhe në zonat luginore, era mund të forcohet herë pas here deri në 12 m/s. Në det, valëzimi parashikohet i forcës 1–3 ballë.
Temperaturat
Vendi do të përfshihet sërish nga temperatura të larta:
Berat dhe Gjirokastër: deri në 40°C
Elbasan: deri në 39°C
Tiranë, Shkodër, Kukës, Sarandë dhe Vlorë: deri në 38°C
Të dhënat e parashikimit për Gjirokastrën konfirmojnë një ditë kryesisht të kthjellët dhe temperatura shumë të larta, rreth 37°C në mesditë.
Vala e të nxehtit vijon, ndërsa në zonat malore të lindjes moti do të jetë më i paqëndrueshëm gjatë pasdites.
