Presidenti amerikan, Donald Trump ka mbërritur në Pekin në një vizitë dy ditore, ku do të zhvillojë bisedime me homologun e tij kinez, Xi Jinping, gjatë dy ditëve të ardhshme.
Shefi i Shtëpisë së Bardhë u prit nga Zëvendëspresidenti Han Zheng, ku shoqërohej nga një bandë që luante muzikë dhe flamuj që valëviteshin.
Delegacioni amerikan përfshin drejtues ekzekutivë të teknologjisë, përfshirë edhe Elon Musk.
Në qendër të diskutimeve me presidentin kinez Xi Jinping pritet të jenë lufta në Iran, siguria në Ngushticën e Hormuzit dhe çështja e tregtisë, ku presidenti amerikan synon që kompanitë amerikane të kenë më shumë akses në tregun kinez, përfshirë inteligjencëna artificiale.
Në samitin Trump-Xi pritet të diskutohet edhe çështja e Tajvanit, pas kundërshtimeve të forta të Pekinit ndaj paketës amerikane të armëve me vlerë 14 miliardë dollarë për ishullin vetëqeverisës.
Takimet mes dy liderëve do të shoqërohet me ceremoni shtetërore, banket zyrtar dhe vizita në monumente historike kineze.
