Policia e Tiranës ka goditur dy raste të ushtrimit të këmbimit valutor të palicencuar në kryeqytet, në kuadër të një plani të posaçëm masash kundër aktiviteteve të jashtëligjshme.
Gjatë kontrolleve të ushtruara nga Seksioni për Hetimin e Pastrimit të Parave dhe Aseteve Kriminale, u evidentua se dy shtetas kryenin këmbim valutor në rrugë, në zonën e njohur si “Dollari”, duke përdorur shuma të konsiderueshme parash me burim të dyshimtë.
Për pasojë, nisi procedimi penal ndaj shtetasve me iniciale S. E. dhe K. F., të akuzuar për veprat penale “Ushtrimi pa licencë i veprimtarive financiare” dhe “Pastrimi i produkteve të veprës penale ose veprimtarisë kriminale”.
Gjatë operacionit u sekuestruan 24,120 euro, 13,200 dollarë kanadezë dhe 470,000 lekë.
Materialet procedurale i janë referuar Prokurorisë së Tiranës për veprime të mëtejshme, ndërsa kontrollet dhe verifikimet vijojnë.
/vizionplus.tv
