Gjin Gjoka, emigrant i kthyer nga Shtetet e Bashkuara të Amerikës, i ftuar në studion e E-ZONE, në Vizion Plus tha se të bësh biznes në Shqipëri është shumë e vështirë.
Gjoka theksoi se investimet janë të vështira për shkak të kostove të larta, rrezikut dhe paqëndrueshmërisë ligjore, duke nënvizuar dhënien e pronave tek i zoti me certifikatë.
Ai përmendi vështirësitë që hasin investitorët e huaj në proceset administrative .
“Të bësh biznes në Shqipëri është shumë e vështirë. Duhet një përkushtim moral, intelektual, emocional, financiar dhe me një rrezik goxha të madh. Kodi fiskal nuk duhet të preket çdo dy vite. Ne kemi probleme shumë të rëndësishme me dhënien e pronave tek i zoti dhe dhënien e tapive. Për shembull, sot nëse një qytetar maqedonas do të vijë të investojë në turizëm, ai futet për të blerë tokën, do të krijojë kompani dhe drejtohet sot të marrë një konsultë. Një pjesë e madhe e tokave janë me AMTP, të cilat asnjë i huaj nuk i kupton çfarë janë”, tha Gjin Gjoka në E-ZONE.
/vizionplus.tv
