Kryeministri Edi Rama është sot i pranishëm në Konkursin Ndërkombëtar për “Shtëpinë e Re të Fëmijëve dhe Kompleksin e Inspektorateve Shtetërore”.
Gjatë fjalës së tij, shefi i qeverisë u shpreh se për fëmijët jetim do të krijohen kushte më të mira .
“Do të kemi më në fund pas vitesh një stadium të ri të përmasave europiane, një tjetër vepoër të denjë për historine e re që po shkruajmë së bashku me arkitektët, Bibliotekën e re Kombëtare, mjedis i shumë nevojshëm dhe një vepër e spikatur në historinë e vendit tonë dhe arkitekturës bashkëkohore. Do të kemi edhe një komplekt të ri zyrash për administratësh, për një numër të konsiderueshëm institucionesh, do të kemi Pallatin e Ri të Sportit.
Sot i hapim rrugë dy drejtimeve të reja për të ardhmen, duke krijuar kushte tërësisht të reja për fëmijët që janë në duart e solidaritetit të shoqërisë, jetimët, dhe njëkohësishteedhe për korpusin e ri të Inspektoriateve.
Shqipëria pikë referimi në botën arkitekturore, jemi edhe një universitet i hapur që i jep mundësi të gjithë arkitektëve të rinj që përmes bashkëpunimit me mjeshtrat dhe studio e mëdha të marrin dije e të përfitojnë eksperienca që nuk ka asnjë praktikë pune që ta jep”, tha Rama. /vizionplus.tv
