Gazetarja Danjela Maloku tha se ftesa e Presidentit amerikan Donald Trump për Kryeministrin Edi Rama erdhi në një moment strategjik për mazhorancën shqiptare.
E ftuar në studion e QUO VADIS në Vizion Plus, gazetarja u shpreh se kjo ftesë mund të interpretohet si një kartë e fortë, duke filluar edhe nga akuzat e opozitës për marrëdhëniet jo të mira mes Ramës dhe SHBA-ve.
Maloku sqaron se ftesa ishte e njëjtë për të 50 vendet, por sipas saj, në politikë secili ka mundësinë ta shfrytëzojë sipas interesave të veta.
Pjesë nga biseda:
Maloku: Që në nisje të këtij diskutimi, kur Rama mori ftesën e Trump, nga mazhoranca u lexua si një kartë e fortë. I ka ardhur në një kohë të duhur Ramës kjo ftesë, duke nisur edhe nga akuzat e opozitës se marrëdhëniet e tij me SHBA-të nuk janë më aq të mira. Dhe pse nuk tregon marrëdhëniet e forta të Ramës me SHBA-të, por më shumë ato të Shqipërisë dhe SHBA-së, ama është ditur të luhet mirë nga mazhoranca.
Borakaj: Ishte ftesë personale, apo njësoj për 50 vendet?
Maloku: Është një festë që i adresohet njësoj të gjithë vendeve. Por në politikë askush nuk të ndalon ta luash siç do ti. Edhe pse në këtë rast është njësoj për të gjitha vendet.
/vizionplus.tv
