Arnold Schwarzenegger mbush plot 70 vjet.
Përpara se të ishte i famshëm, ai mendonte të niste karrierën si bodybuilder dhe që në moshën katërmbëdhjetë vjeç nisi të stërvitej shumë.
Filmat e tij më të njohur janë:
Conan Barbarian
Predator
Terminator
Total Recall
Pjesa më e madhe e filmave ku aktori ka luajtur janë ato ku ai ka nxjerrë në pah edhe muskujt duke luajtur kryesisht role personazhesh të fortë që përcjellin idenë e heronjve.
Në prill të vitit 1986, aktori u martua me gazetaren televizive Maria Shriver, e cila është dhe mbesa e John Kennedy-it, por në maj të vitit 2011 ata u ndanë. Ai ka tre djem të quajtur Patrick, Christopher dhe Jozef dhe dy vajza të quajtura Katherine dhe Christina.
Aktori, i cili për disa vite u përfshi edhe në politikë, ka lindur në Austri dhe ka shërbyer si guvernator i Kalifornisë në vitet 2003-2011.