Nga Ervin Sina
Vllaznia mundi Malishevën 2 me 1 në takimin e parë të Conference League, duke shkuar në duelin e kthimit në Kosovë me një avantazh të lehtë në kuadër të objektivit për tu kualifikuar në raundin e dytë.
Në stadiumin “Loro Boriçi” ishin miqtë që shënuan të parë përmes një goli spekakolar nga goditja e këndit nga Xhylani.
Në fakt të tre golat e ndeshjes ishin shumë të bukur. Konkretisht shkodranët barazuan në minutën e 37 përmes në gjuatje të fortë paksa prirët në zonë të Klinti Qatos në minutë e 37.
Skuadrat shkuan në dhomat e zhveshjes në barazim 1 me 1, ndërsa episodi që e ndryshoi sfidën ishte kartoni i kuq i Skovgaard në minutë e 55.
Vetëm pak sekonda më vonë blerja e fundit në merkato, Musta që erdhi nga Elbasani shënoi një gol spektakolar nga një goditje dënimi, që do të rezultonte deçiziv për Vllazninë bashkë me pritjet e portierit Jukaj.
Trajneri Edi Martini nuk i kurseu fjalët pozitive për lojtarët duke mos e fshehur faktin se kjo ka qënë një javë stresuese për të gjithë pasi kuqeblute mezi bënë një ekip për të luajtur si pasojë e mosfederimit të shumë futbollisteve.
Shumë i kënaqur me debutimin e tij si protagonist tek Vllaznia edhe Emiljano Musta, ish kapiteni i Elbasanit.
Ndeshja e kthimit dhe vendimtare në derbin e ekipeve shqiptarë të kupës së vogël të Europës do të luhet me 15 korrik. Ndërkohë në Elbasan Arena, Dinamo City u mund 1 me 0 nga ekipi kazak, Astana.
