Një i ri nga qyteti i Maliqit ka humbur jetën, pasi autovetura që ai drejtonte doli nga rruga dhe u rrëzua në lumin Devoll vetem pak metra larg baneses ku banonte ne nje lagje periferike te ketij qyteti.
Ngjarja ka ndodhur reth orës 03.45 në aksin rrugor Maliq fshati Qesarat kur mjeti me targa AA527VK I drejtuar nga 24 vjeçari Gjergji Elmazi pas nje parakalimi te gabuar ne hyrje te ures ka goditur parmakët e urë dhe ka përfunduar në lumë.
Afro 5 orë pas këtij aksidenti, ndërhyrja e polumbarëve te ardhur nga kryeqyteti dhe mjeteve të rënda bëri të mundur nxjerjen e trupit të pajetë të 24 vjeçarit dhe makinës së tij nga lumi.
Dyshohet se shkaku I aksidentit ka qënë humbja e kontrollit ose përgjumja e 24 vjeçarit në momentet e qarkullimit në urë por policia nuk perjashton mundesin e perdorimit te pijeve alkolike nga 24 vjecari.
Edhe pse banor I zonës, Gjergji Elmazi nuk mundi të manovrojë mjetin e tij gjatë kalimit mbi urë. Grupi hetimor ka marë kampionet e gjakut për të mësuar nëse 24 vjeçari kishte përdorur pije alkoolike që çuan në aksidentin fatal.
Ky hetim kryhet pasi I riu nga Maliqi ka festuar deri pas mesnate së bashku me një shokun e vet në një lokal në Korçë. Ata kanë qënë duke udhëtuar secili me autoveturën e vet kur 24 vjeçari në tentativë për të parakaluar pati devijim të mjetit nga rruga.
Ai u rrëzua nga një lartësi prej disa metrash në lumë. Mjeti ka dalë mjaft I dëmtuar, dhe kjo ngre dyshimin se përplasja e fortë dhe më pas asfiksia në ujë kanë sjellë vdekjen e të riut nga Maliqi.
