Së shpejti smartphone-i juaj do të jetë në gjendje t’ju paralajmërojë për një tërmet. Do të jenë disa sekonda përpara se tërmeti të ndodhë, por bëhet fjalë për një përparim që mund t’ju ndihmojë të gjeni njkë strehë të sigurt. Android Earthquake Alert System quhet shërbimi që do të përdorë telefonët Android si sizmografë për të paralajmëruar lëkundjet e tokës dhe për të vënë në dijeni përdoruesit.
Sistemi i hartuar nga Google lidh sinjalet anonime që vijnë nga të gjitha pajisjet në një zonë të caktuar dhe i krahason ato me njëri-tjetrin; kur merr sinjale të mbivendosur që mund të gjurmohen përsëri në lëkundjet që zakonisht i paraprijnë një tërmeti të vërtetë, kjo shkakton alarmin.
Google në fakt ka punuar për këtë shërbim për muaj me radhë sepse nuk është aq e thjeshtë sa duket. Sinjalet e marra nga akseleometrat e pranishëm në telefonët inteligjentë mund të jenë në të vërtetë të pasakta: një telefon “i dridhur” në duart e një përdoruesi gjeneron informacion të njëjtë me atë të një tërmeti, duke rrezikuar të çojë në një alarm të rremë.
Por tani Google beson se sistemi i tij mund t’i bëjë të gjitha: zbulojë goditjet paraprake, por më e rëndësishmja përdorë këtë informacion për të dërguar një paralajmërim te përdoruesit e prekur potencialisht. Alarmi do të kalojë përmes një korsie preferenciale në telefonët inteligjentë Android. Për momentin, risia do të debutohet në disa vende me një rrezik të lartë sizmik: Shtetet e Bashkuara, Greqia, Zelanda e Re, Kazakistani, Kirgistani, Filipine, Taxhikistani, Turqia, Turkmenistani dhe Uzbekistani.
Përshëndetje! Jam emigrant (pensionist) në Greqi. Merrem me hobin tim për shkencën që prej moshës së rinisë. Nuk e kam ditur se një ditë do arrija rezultate në shkencë. Krahas temave të shumta që lëvroj është dhe tema e parapërcaktimit të tërmeteve. Ju them me ndershmëri dhe me përgjegjësi se mitin që ekziston në shkencë se tërmetet nuk mund të parapërcaktohen – e kam thyer, mbështetur në Teorinë e Re të Big Bangut të Zhvilluar. Kjo Teori e njeh Tokën pa pllaka, se Toka nuk ka pllaka për shumë arsye vendosëse (temë e gjërë). Në rrethet e mia familjare dhe shoqërore kam paralajmëruar 12 tërmete edhe të fuqishëm edhe me dëme e viktima. Disa më kanë quajtur magjistar, u kam thënë- nuk di magji, bëj vetëm llogari. Në kushte familjare, me të dhëna të pakta që mbledh në internet, e kam të vështirë t’i gjej të gjithë dhe kam dështuar jo pak herë. Kurse Teoria është e saktë për të gjithë tërmetet. Kur të përkrahet kjo Teori që para përcakton disa ditë para (dhe më shumë), me koordinata, me madhësinë në rihter, datën dhe me orar, atëhere Smartphone do i vendosi tërmetet në seri ditë për ditë. Duket si ëndër utopike. Por nuk është ashtu për deri sa ka dhënë rezultat dhe jo vetëm për tërmetet. Më çudit qëndrimi inferior i institucioneve edhe këtu në Greqi edhe në Shqipëri. Jam i gatshëm për t’u përgjigjur për çdo pyetje. Dt.9.9.2021 Frederik Bilça