Adriatik Rroshi, i cili u dhunua më 5 janar në kryeqytet, është pyetur nga efektivët e komisariatit nr. 3 në lidhje me ngjarjen. Ai ka deklaruar se nuk ka mundur të identifikojë autorët, pasi ata ishin të maskuar dhe e sulmuan me mjete të forta. Sipas tij, nuk ka pasur konflikte me askënd, megjithatë, në pyetjen për një konflikt të mundshëm gjatë verës në Palasë, ai ka thënë se nuk mund të japë shpjegime.
Policia është duke vazhduar hetimet dhe ka shpallur në kërkim katër persona, përfshirë Tur Koçekun, i cili dyshohet të jetë porositësi i sulmit ndaj Rroshit. Po ashtu, ka dyshime se Koçeku ndodhet në Dubai dhe autoritetet shqiptare kanë kontaktuar me ata atje për hetimet.
Lexo edhe :
Related Posts
Adriatik Rroshi, 48 vjeç, vazhdon të jetë në spitalin e Traumës në gjendje stabile, por për shkak të dëmtimeve të shumta në trup, mjekët ende nuk mund të japin garanci për kalimin e rrezikut për jetën./vizionplus.tv
