Presidenti i Shteteve të Bashkuara të Amerikës, Donald Trump, ka paralajmëruar Hamasin se do të përballet me pasoja të rënda nëse nuk i liron menjëherë të gjitha pengjet.
“Lironi të gjithë pengjet tani, jo më vonë, dhe kthejini menjëherë të gjithë trupat e pajetë të njerëzve që keni vrarë. Po i dërgoj Izraelit gjithçka që i nevojitet për ta përfunduar punën, asnjë anëtar i Hamasit nuk do të jetë i sigurt nëse nuk bëni siç ju them unë.” , tha Trump.
Lexo edhe :
E ardhmja e tyre, sipas Trump, do të varet pikërisht nga vendimi që ata do të marrin.
“Po ashtu, për popullin e Gazës: Një e ardhme e bukur ju pret, por jo nëse mbani pengje. Nëse e bëni, jeni të vdekur! Merrni një vendim të zgjuar! Lironi pengjet tani, përndryshe do të përballeni me pasoja të rënda më vonë.”
Presidenti amerikan nuk tregoi se çfarë veprimesh mund të ndërmarrë nëse Hamasi nuk do t’i lirojë pengjet edhe pas kësaj thirrjeje.
Sakaq, më herët ai ka propozuar që Shtetet e Bashkuara ta marrin nën kontroll Rripin e Gazës, ta zhvendosin popullsinë dhe ta rindërtojnë enklavën. Ky plan ka hasur në kundërshtime të forta si nga aleatët ashtu edhe nga kundërshtarët.
Ultimatumi i presidentit të SHBA-ve erdhi disa orë pasi Shtëpia e Bardhë konfirmoi se Uashingtoni ka mbajtur bisedime të drejtëpërdrejta me Hamasin.
/vizionplus.tv
