Ish-presidenti i SHBA-së, Donald Trump “ngacmoi” pasardhësin e tij, Joe Biden, pak ditë para takimit me presidentin rus, Vladimir Putin.
Trump kujtoi takimin e tij me Putin në vitin 2018 dhe e quajti të shkëlqyeshëm e produktiv. Këshilla e tij për Biden është që të mos e zërë gjumi gjatë takimit.
“Shumë urime dhe fat të mbarë për Biden në takimin me presidentin Putin. Mos flini gjumë gjatë takimit dhe të lutem, përcillini atij përshëndetjet e mia më të ngrohta”, thuhet në mesazhin e Trump.
Takimi i Biden dhe Putin do të mbahet javën e ardhshme në Gjenevë. Moska e ka përshkruar takimin si “shumë, shumë të rëndësishëm”, por paralajmëroi që askush të mos shpresojë shumë në rezultatin e tij.
