Presidenti i Shteteve të Bashkuara, Donald Trump, ka anuluar takimin me homologun e tij rus, Vladimir Putin, që ishte planifikuar gjatë takimeve të G20 në Buenos Aires.
Lajmin e ka bërë të ditur vetë presidenti i SHBA-së Trump përmes një postimi në Twitter. Shkak i këtij vendimi duket se është thellimi i tensioneve midis Rusisë dhe Ukrainë.
Ukraina dhe Rusia janë përfshirë në një incident ushtarak, pasi që forcat ruse të sigurisë i kanë sulmuar dhe rrëmbyer tre anije ushtarake të Ukrainës në Detin e Zi.
“Duke u bazuar në faktin se anijet dhe marinarët nuk janë kthyer nga Rusia në Ukrainë, kam vendosur se do të ishte më mirë për të gjitha palët e interesuara që të anulohet takimi i caktuar më parë. Pres me padurim një samit kuptimplotë me Putinin, sapo të zgjidhet kjo situatë!”