Partnerja e Roan Brahimit flet për herë të parë, tregon si u ekzekutua armiku i Vis Martinajt: Fëmija i pa të gjitha

Për herë të parë, partnerja e Roan Brahimit ka folur për ngjarjen e rëndë që ndodhi pak ditë më parë në Athinë.

Katerina Beqo, e cila mbeti e plagosur, ka folur për median greke, Newsit.gr duke deklaruar se nuk kishte pasur dijeni se Roan Brahimi do të vinte në Athinë pasi nuk i kishte treguar asgjë.

Lexo edhe :

Related Posts

Ekzekutimi i Roan Brahimit, policia greke: U vra për larje hesapesh në Shqipëri

Jeta e dyfishtë e armikut të Vis Martinajt, Sidorel Prendi kishte grua dhe fëmijë edhe në Shqipëri

Ndoqën çdo lëvizje prej muajsh, kurthi i atentatorëve ndaj “hasmit” të Ervis Martinajt në Athinë

U ekzekutua në mes të Athinës, Roan Brahimi pjesë e bandës së Niklës, dyshimet se bashkëpunoi për vrasjen e Gentian Bejtjas

“Nuk dija asgjë, nuk më kishte thënë gjë. Erdhi të Shtunën e Madhe për Pashkë”, është shprehur partnerja e Brahimit.

Në lidhje me ngjarjen ajo u shpreh se ishte e pranishme në makinë por nuk mbante mend sesi ndodhi. Ndërsa shtoi se fëmija i mitur i pa të gjitha.

“Isha bashkë me të brenda në makinë, por nuk e mbaj mend si ndodhi. Pastaj dola nga makina. Fëmija i pa të gjitha. Tani e ka mamaja ime, unë jetoj në shtëpinë time. Nuk jam fare mirë”, shtoi ajo.

Sipas mediave greke, në momentin që është qëlluar Roan Brahimi, partnerja e tij ka humbur ndjenjat, ndërsa fëmija i tyre ka bërtitur “Babi im, babi im”. Më pas në vendngjarje ka mbërritur gjyshja e fëmijës e cila e ka larguar prej andej./vizionplus.tv