E hënë, 16 Nëntor 2026 7 PA 5 Live deri në 09:00 Në vijim ora 09:00: Mes'dritë Live Reklamo Kontakt Karriera
Vizion Plus
Breaking 1/2 përditësuar 6 sekonda më parë
Kronikë

Konflikt mes të burgosurve  në burgun e Durrësit, një i plagos me mjet prerës

Një konflikt mes dy të burgosurve në Institucionin e Ekzekutimit të Vendimeve Penale (IEVP) në Durrës ka përfunduar me plagosjen e njërit prej tyre.

Ngjarja është regjistruar më 15 nëntor 2026, ku shtetasi i burgosur me inicialet M. B. ka goditur me një mjet prerës një tjetër të burgosur, me inicialet I. B., gjatë një konflikti mes tyre.

Sipas njoftimit të Agjencisë së Mbikëqyrjes në Sistemin e Ekzekutimit të Vendimeve Penale (AMSEVP), autori i dyshuar është arrestuar në flagrancë.

Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Durrës, për veprat penale “Plagosja e lehtë me dashje” dhe “Futja ose mbajtja e sendeve të ndaluara në institucionin e ekzekutimit të vendimeve penale”, të parashikuara nga nenet 89 dhe 324/a të Kodit Penal.

Ndërkohë, AMSEVP bën me dije se po vijojnë verifikimet për të evidentuar përgjegjësinë e mundshme të punonjësve të institucionit që mund të jenë përfshirë në shkelje ligjore.

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.