Presidenti Ilir Meta ka reaguar për shpërthimin me tritol në makinën e prokurorit Arjan Muça para dy ditësh në zonën e Komunës së Parisit në kryeqytet.

Teksa dënoi me forcë ngjarjen, kreu i shtetit e cilësoi një akt kriminal ndaj funksionarit të sistemit të drejtësisë,

Ai iu u kërkoi të gjitha institucioneve të ngarkuara nga ligji që të garantojnë mbrojtjen e posaçme për familjen Muça.

“Dënoj me forcë aktin kriminal ndaj funksionarit të sistemit të drejtësisë, Prokurorit Arjan Muça. Duke mbështetur plotësisht vendimmarrjen e Këshillit të Lartë të Prokurorisë për sigurinë e tij, u kërkoj institucioneve të ngarkuara nga ligji të garantojnë mbrojtjen e posaçme për Prokurorin Muça dhe familjen e tij. Organi i akuzës dhe të gjithë agjencitë ligjzbatuese e të sigurisë duhet të angazhohen maksimalisht për të zbardhur sa më parë ngjarjen dhe identifikuar autorët. Çdo sulm apo intimidim ndaj funksionarëve të Drejtësisë duhet të marrë ndëshkimin më të ashpër ligjor”, shkruan Meta.

Leave a Reply

Your email address will not be published. Required fields are marked *