Mjeku Tritan Kalo dha lajmin se në Shqipëri është kaluar faza kritike e pandemisë.

 

Sipas tij, kjo u arrit falë zbatimit të rregullave dhe punës së palodhur të bluzave të bardha.

 

Vëmendja tani, tha ai, duhet të përqendrohet te ringritja ekonomike.

 

“Ne krenarisht mundet të pohojmë se e “KEMI KALUAR FAZËN KRITIKE TË KËSAJ PANDEMIE”, dhe do të kemi edhe më shumë mundësi tash e prapa të shtojmë përpjekjet, që të rigjallërohemi sa më shpejt të jetë e mundëshme në aspektin psikologjik, social dhe ekonomik të vendit…..”

 

Mirëpo Tritan Kalo bëri edhe një thirrje për kujdes të shtuar gjatë muajve të verës sepse sipas tij, dhjetëra infeksione mund të na rrezikojnë sërish.

 

“A E KEMI FITUAR PËRFUNDIMISHT KËTË BETEJË?….JO dhe KEMI ENDE UDHË për të bërë, POR tashmë një udhë mjaft më të shkurtër në kohë e më pak të mundimshme, si dhe më shumë pak pasoja se keto 18 muaj, që do të mbeten shumë-shumë gjatë të ngulitura në kujtesën tonë….PËRKUJDESJA ndaj vetes dhe atyre që gjallojnë rreth nesh kudo dhe në çdo rrethanë, NUKU duhet nënvlerësuar sepse VERA bashkëshoqërohet me dhjetra e dhjetra infeksione të natyrës virale, bakteriale, parazitare dhe mykotike, të cilat mundet në çdo kohë të na e prishin konfortin e kënaqësinë e jetesës në muajt më të bukur të vitit, si dhe të konfondohen me format e ndryshme klinike të shfaqjes së infeksionit nga Sars-Cov2/Covid-19….”

Leave a Reply

Your email address will not be published.